ବାଲେଶ୍ୱର, ୧୪/୦୫: ଘରେ ପଶି ଦୁଇ ଶିଶୁ ସମେତ ବୃଦ୍ଧ, ବୃଦ୍ଧା ଓ ମହିଳାଙ୍କୁ ବାନ୍ଧି ମାଡ ମାରି ଲୁଟ୍ । ଦେବେନ୍ଦ୍ର ପାତ୍ରଙ୍କ ୨ ଶିଶୁ, ସ୍ତ୍ରୀ ଓ ବୋହୂର ହାତ ମୁହଁ ବାନ୍ଧି ଦୁଇ ସୁନା ହାର, ୭ ଟି ମୁଦି ସହ ୩୦ରୁ ୪୦ ହଜାର ଟଙ୍କା ଲୁଟିନେଲେ ଦୁର୍ବୃତ୍ତ । ବାଲେଶ୍ୱର ଜିଲ୍ଲା ଅନନ୍ତପୁର ଫାଣ୍ଡି ଅନ୍ତର୍ଗତ ନିକଟସ୍ଥ ଛକରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଘର କବାଟ ଭାଙ୍ଗି ୫ ଡକାୟତ ଘରେ ପଶିଥିଲେ । ଦୁର୍ବୃତ୍ତମାନେ ମୁହଁରେ କପଡା ବାନ୍ଧି ଘରେ ପଶିଥିଲେ । ଘରେ ପଶି ଦେବେନ୍ଦ୍ର ପାତ୍ରଙ୍କ ୨ ଶିଶୁ, ସ୍ତ୍ରୀ ଓ ବୋହୂଙ୍କ ହାତ ମୁହଁ ବାନ୍ଧି ଦୁଇ ସୁନା ହାର ସହ ୭ଟି ମୁଦି ଏବଂ ୩୦ରୁ ୪୦ ହଜାର ଟଙ୍କା ଲୁଟ୍ କରିଥିଲେ। ଲୁଟ୍ କରି ଘଟଣା ସ୍ଥଳରୁ ଫେରାର ହୋଇଥିଲେ । ଏନେଇ ଖବର ପାଇବା ପରେ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଚଳାଇଛି । ତେବେ ଲୁଟ୍ ହୋଇଥିବା ଅଳଙ୍କାରର ଆନୁମାନିକ ମୂଲ୍ୟ ୫ ଲକ୍ଷ ଟଙ୍କାରୁ ଉର୍ଦ୍ଧ୍ୱ ହେବ ବୋଲି ଜଣାପଡ଼ିଛି । ଡକାୟତ ମାନେ ଅଣ ଓଡ଼ିଆ ଭାଷାରେ କଥାବାର୍ତ୍ତା କରୁଥିବା ନେଇ ସୂଚନା ମିଳିଛି।
